蘭度小籠包 (已結業)

环境4分：餐厅细细间，但地方都好见洗几好坐，楼面高，空间足，够光猛，可以畀四分。卫生5分：枱面干净企理，一Ｄ都冇黐立立，Ｄ筷子同牙签全部独立包装，用完即弃，见到佢地准备晒Ｄ白色板隔开Ｄ食客，卫生可以畀五分。服务4分： 服务员爽手唔啰唆，落单，上菜，埋单够快，畀四分。味道4分：1)  清炖狮子头个汤味道好清，两只狮子头好松好淋，唔使用牙都食到，个煲入面仲有D好爽嘅竹笙，完全唔肥腻，好健康。2)  嫩鸡烩面非常之淋，汤嘅鲜味入晒落Ｄ面度，Ｄ菜粒好爽脆。3)   新鲜蒸出黎嘅小笼包非常之热，个皮够软，个猪肉馅够嫩同多汁。抵食4分：冇加一又冇茶钱，食Ｄ乜就比乜钱，都算几抵，可以畀四分。