夏麵館 (寶石大廈) (已結業)

得闲食吓上海菜，令我即刻谂起夏面馆，同屋企人嚟到呢度，环境幽雅，坐落舒服，最紧要嘅系冷气够晒冻啊。呢一个拌面，真系越食越觉好味，首先味道已经够晒正宗，而且又香，啲面十分之滑，又有弹性，真系食到停唔到口令人回味啊。食上海野，又边少得食返个松子鱼，松子鱼够晒大条，炸到好脆身，最重要嘅系佢个汁恰到好处，酸酸甜甜十分之开胃，里面嘅鱼肉够晒鲜味，而且骨又都唔多，真系啱晒我呢种唔钟意食骨嘅人啦。上海锅贴，份量少少哋，但系一人一只，都已经够晒啦，煎到脆卜卜，里面好多肉，食上海野边少得佢啊。而且仲可以每人加$20 ，有甜品放题，品种选择好多，唔少得嘅就梗系我最钟意食嘅汤圆啦，我哋仲叫咗南瓜饼，作为饭后甜品真系一流架。