上海婆婆 (黃大仙中心北館)

营业中

休息中

同旧同事聚旧，去到黄大仙揾食，一入商场已经见到新开嘅上海婆婆，店舖宽敞加上暖色装修，俾人好舒适嘅感觉~鸡丝粉皮呢D开胃凉菜一定唔少得，Q弹粉皮夹埋麻酱青瓜丝系绝配~当然仲有必点小笼包，咬开爆汁加点姜丝醋汁，夹杂肉汁肉香~~松子鱼，估唔到咁大条，本身𠝹好花好易起肉，大大啖入口，酸酸甜甜够醒胃~女士们都钟意有汤水，叫份砂锅云吞鸡就啱晒~汤汁入口鲜甜仲有啖啖鸡肉几抵食~ 呢度嘅叉子烧饼做得唔错，口袋位够濶又无爆，入口薄脆，肉松混合大量西芹够香口！发现呢度有特别版红豆雪糕高力豆沙，原来系将红豆雪糕夹O系高力豆沙中间，外面热辣辣，入面冻冰冰，不过要快口食唔系好易溶。 几个女仔揾到间新净又濶落餐厅慢慢饮住茶倾计确实唔错！