詠藜園四川擔擔麵

营业中

休息中

老字号咏藜园，我细细个就已食过，今晚同屋企人怀旧一番。环境冇乜点变，行传统中国风，有不少大枱，适合一家大细聚餐。餐前小食（每碟$6），南乳花生，好耐冇食过了，很怀旧的感觉。杨家小汤包真正做到皮薄馅靓，肉唔算多唔会太腻，充满汤汁。糖醋鱼块卖相吸引，除咗鱼块，还有洋葱丝三色椒丝做陪衬。鱼块炸得外皮松化，有外脆内软的感觉。上海粗炒大大碟，有椰菜丝和肉丝。肉丝就比较细碎，味道不会太重和油腻。豆沙窝饼新鲜炸起热辣辣，外皮脆脆蛋味比较重，豆沙馅料甜度刚刚好。总括嚟讲，食物质素唔错，坐得舒服，得闲帮衬吓香港地道老字号，也是唔错的选择。