上海婆婆 (已結業)

同老公入屯门办年货，见未试过上海婆婆，即管试试！虽然要等位，但都唔算等得耐．入座前，知客小姐话每台限食个半钟，两个人ｏｋ啦！小笼包～称得上皮薄馅靓，肉汁鲜甜不在讲，馅料亦有淡淡猪肉香味，正黑醋排骨～劲香黑醋味，酸酸甜甜非常开胃，排骨亦唔会干到柴晒皮，咬落仲有肉汁溢出，正雪菜肉丝炒年糕～好耐无食过咁好味嘅雪里红！年糕ＱＱ有咬口，难得炒年糕一Ｄ都唔觉得腻，非常清新黄金四季豆～呢味系因为见到菜谱张相先决定叫嘅，因为原来黄金即系咸蛋黄，虽然胆固醇高Ｄ，但应该会好味．结果无令我失望，真系好香咸蛋味，超正酸辣汤～呢味系全晚最失色嘅，好普通值得一提嘅系，由落单到上齐五样𩠌，竟然不出十分钟，连埋单都奇快，唔怪得可以个半钟交台，效率一流，但服务就同Ｄ酸辣汤一样，普普通通啦！