桃園眷村 (已結業)

上次同M佬去上海迪士尼玩之前就系去咗桃园眷村食早餐，好难忘佢嘅台式古早味早餐三宝：油炸鬼、豆浆同烧饼，仲有简约嘅文青装修。自从桃园眷村上年发陆香港嘅旺角朗豪坊之后，一直都想再次回味呢份早餐，见到今日无咁多人排队，就即刻试吓！肉燥卤蛋饭团饭团嘅饭够香又烟烟靭靭。馅料好足，里面有脆口油炸鬼，加上肉燥同卤蛋，口感一流。功夫辣鸡腿烧饼呢个功夫辣鸡腿烧饼，以微辣嘅鸡腿最吸引，肉嫩juicy，配上脆口嘅烧饼同生菜蕃茄，好惹味。眷村油条油炸鬼配豆浆真系绝配，油炸鬼外皮香脆，内里柔软，唔算太油，同M佬share就最啱。豆浆盗仙草豆浆无落糖，健康之余更重要系饮到豆嘅香味，加上仙草，好有层次。