尚海人家 (TKO Gateway) (已結業)

皇牌生煎包---猪肉//韭菜生煎包好味，超级劲爆汁，屋企人食果阵喷到块面都系，好搞笑，绝对无夸张成份。两款生煎包都好味，个底仲要系煎脆底呀！个人更钟意食韭菜～一定会再买黎食。上海排骨担担面汤底香花生味，少少辣。排骨系炸猪扒，但个皮唔脆，而且有啲咸。蟹粉拌面都几多蟹粉，重蟹膏味，而面条质感几好，捞埋一齐食唔错。葱油鸡扒菜饭鸡扒切件，味道正常，配菜饭食几好。上海红烧肉菜饭味道普通。总结：食物味道有好有唔好，只有生煎包会想再买。