樂天皇朝 (青衣城1)

营业中

休息中

好耐冇食上海嘢，突然想食小笼包就去咗乐天皇朝🤤水准都不错，小笼包皮薄肉汁多，温度啱啱好，一定唔会失望，自己一个都可以食6粒😆今次试多个话梅元蹄，酱汁酸酸甜甜，仲有一粒粒话梅伴碟，好开胃，一解元蹄皮既油腻，仲好夹。元蹄好大旧，皮厚肉多，充满骨胶原，好黏口。肉质嫩滑，一d 都唔柴。葱油拌面既面质弹牙，仲好挂汁，葱油味香浓，加上干葱增加口感，真系一口接一口。配埋清鸡汤，清一清味蕾，好满足😌最后加个蒜蓉炒菠菜，鲜甜冇渣，唔会太油，份量食食下都唔少，总括都好满足。