南翔饅頭店 (已結業)

仲记得上年到上海有食过系城隍庙旁排队排到呆晒~由南翔馒头店不停出炉既南翔小笼包~可惜上次系上海只可以企系街到食~而且仲系觉得唔够喉~总系觉得上海小笼包入面既汤汁唔够~今次去到堂食~见到佢个装修真系觉得好舒服~入到去紧系要叫茶啦~我地就叫左龙井~几香的~见到个二人餐~就已经决定要叫~第一样一定要叫既就系小笼包~真系想睇下佢同上海既有咩分别~之后就跟返餐牌咁叫~首先有萝卜丝酥饼之后就有小排骨、赛螃蟹同荠菜松茸炒年糕仲有糖醋鱼块同三鲜豆腐羮最后有高力豆沙同豆浆小笼包比上海既有更多既汤汁，D皮亦都好软熟~very good~!!!而萝卜丝酥饼就唔错啦~个皮真系叫松化~入面D料都好足~好香既萝卜香~荠菜松茸炒年糕既味道就真系唔错~不过好漏..........至于糖醋鱼块就真系好好食~酸甜度刚刚好~唔会互相抢左大家既味道~鱼块份量又适中~GOOD~!!!!三鲜豆腐羮就真系普普通通~无甚特别~不过小排骨同赛螃蟹就真系有失望既地方~小排骨就真系少肉多骨~唔知食唛~赛螃蟹就蛋白好多好多~不过唔够香~酱油亦唔够味~高力豆沙都系一般货色~虽然系咁~但系佢既招牌小笼包真系好得~加上糖醋鱼块~值得再黎~!!!服