La Postre (永樂街) (已結業)

早排朋友同我介绍过呢间餐厅，讲到好正咁，今日就嚟试下到底系咪咁坚～一入到嚟觉得环境都几唔错，配色柔和舒服，都几啱一班朋友嚟聚会。今次我哋拣咗食二人餐，个餐会包咗前菜、主菜、甜品各一，同埋每人一杯无酒精嘅饮品。就咁睇我同朋友都怕会唔够饱，但原来啲𩠌都大份，唔怪得个个都话抵食，到最后我地系食太饱。因为我朋友戒咗肉嘅关系，我哋主菜就点咗西班牙海鲜炒饭。就咁睇卖相已经100分，炒饭入面仲有唔少虾干仔，每啖既味道都非常丰富。海鲜有大虾，青口同蚬，全部都大大只，系可以填饱肚嘅。意料之外嘅系有几块辣肉肠，都几特别。前菜嘅芝士煎蟹饼，同想像中嘅真系差好远。我哋都以为系打碎咗煎嘅蟹肉饼，咁嘅蟹饼的确系几新鲜。甜品有得拣全份或者半份，唔怕食唔落哂嘢。呢个系麻糬窝夫，讲真都几饱肚。好彩唔系太甜，唔食甜品嘅朋友都接受到。