大喜茶檔

营业中

休息中

以前喺上环返工，误打误撞喺荷李活中心隔离揾到呢间茶档，之后𠮶几个月周不时都会过嚟食。早排经过荷李活中心，见到商场已经装修完，G楼开咗间新嘅cafe，叫elephant grounds，印象中记得同事话几好饮，2楼都好似开咗间食烧肉嘅，可以迟啲试下。入返正题，既然咁耐冇嚟，就去大喜食埋饭先走啦。大喜选择都唔少，不过我今次想食佢个梅菜扣肉饭，另有跟餐仲会送碗老火例汤。我钟意大喜嘅梅菜扣肉主要有两个原因。第一系佢个梅菜咸甜适中，味道啱啱好，岀面好多茶记都未必搞得掂。第二系佢有好多梅菜，对于我呢啲钟意捞汁食饭嘅人简直系极品。例汤系粉葛汤，普通葛汤咁味。餐饮一如往常都系冻柠茶。如果你喺上环返工想食啲平靓正嘅嘢，我会推荐你试试大喜茶档。