影片
更多
2023-04-02
39 浏览
上环高水准日式餐厅 - 和藏 🍣今次黎到一所日式餐厅，餐厅基本上位于上环同西营盘中间，所以由2者地铁站都可以步行前往。环境感觉舒适优雅又高格调。另外服务态度亦非常好，好照顾客人需求。食物质素都偏高质又精致。*厨师发办午市套餐 Omakase Lunch Set*六道菜餐单 (价钱因应主食选择)先付 - 和风野菜紫薯沙律采用柚子醋嘅沙律，fresh得黎唔会太饱或太腻。入面仲有紫薯、荀、小蕃茄等食材，平凡中又带点不平凡。刺身 - 拖罗 蜜柑鲷 甜虾甜虾系比较大只个种，食落好鲜甜又新鲜蜜柑鲷都好新鲜美味！而拖罗嘅油脂分布均衡，咬落充满油香！蒸物 - 松叶蟹肉·金目鲷·鸡肉·茶碗蒸茶碗蒸上层铺左少许瑶柱丝、一片鱼片，带出海鲜嘅鲜香。底层有鸡肉同虾，带出蛋香。感觉整体系冇乜味精唔会太咸，好清甜鲜美，食到食材嘅原汁原味！吸物 - 大和蚬味噌汤正所谓汤要好饮，最紧要够热！一打开盖，已经可以见到味噌汤大量冒烟，可见有十足嘅热度！而且非常足料，内含红白萝卜、香菇仔、蒟蒻、蚬仔、豆腐卜丝等。味道上都系面豉汤嘅味道，但就唔会系味精汤死咸味道，相反系略带有鲜甜嘅感觉，可见真材实料！食事 - 北海道西京银鳕鱼配
今次黎到一所日式餐厅，餐厅基本上位于上环同西营盘中间，所以由2者地铁站都可以步行前往。环境感觉舒适优雅又高格调。另外服务态度亦非常好，好照顾客人需求。食物质素都偏高质又精致。
*厨师发办午市套餐 Omakase Lunch Set*
六道菜餐单 (价钱因应主食选择)
先付 - 和风野菜紫薯沙律
采用柚子醋嘅沙律，fresh得黎唔会太饱或太腻。入面仲有紫薯、荀、小蕃茄等食材，平凡中又带点不平凡。
刺身 - 拖罗 蜜柑鲷 甜虾
甜虾系比较大只个种，食落好鲜甜又新鲜蜜柑鲷都好新鲜美味！而拖罗嘅油脂分布均衡，咬落充满油香！
蒸物 - 松叶蟹肉·金目鲷·鸡肉·茶碗蒸
茶碗蒸上层铺左少许瑶柱丝、一片鱼片，带出海鲜嘅鲜香。底层有鸡肉同虾，带出蛋香。感觉整体系冇乜味精唔会太咸，好清甜鲜美，食到食材嘅原汁原味！
吸物 - 大和蚬味噌汤
正所谓汤要好饮，最紧要够热！一打开盖，已经可以见到味噌汤大量冒烟，可见有十足嘅热度！而且非常足料，内含红白萝卜、香菇仔、蒟蒻、蚬仔、豆腐卜丝等。味道上都系面豉汤嘅味道，但就唔会系味精汤死咸味道，相反系略带有鲜甜嘅感觉，可见真材实料！
食事 - 北海道西京银鳕鱼配白饭 $328
鳕鱼非常嫩口，每啖都充满油香，而且愈食愈鲜甜，非常好食！加上日式沙律酱，更加香口！配上白饭，感觉系最佳组合！好食！
食事 - 海之幸四色丼 $468
蟹肉、海胆、鱼籽、带子，全部最钟意食既食材都集于一丼！一次过满足所有愿望！丼饭似乎采用左赤醋饭，色泽呈啡色，唔会净系得白醋饭咁单调。带子超级大粒又厚肉，味道鲜甜，仲加左少少柚子皮提鲜。鱼籽胀卜卜粒粒饱满。而海胆虽然得两小条，但其浓郁与creamy嘅程度令人回味无穷。
甜品 - 和风雪糕圣代
甜品系一球抹茶雪糕加一小抹红豆。雪糕充满浓郁嘅奶香味，而红豆嘅味道与抹茶味互相配合。又系一道平凡中带点不平凡嘅甜点。
PS 题外话：餐厅仲附有厕所添！厕所好靓好大，竟然仲有橡筋、棉花棒、棉花片等护理用品，超细心周到！
张贴
