京香閣 (已結業)

1️⃣京式前菜 – 大部份都中规中矩。腐皮卷好厚身，钟唔钟意食就见仁见智啦；以下就唔洗食：多春鱼唔脆、牛展好韧、茄子冇味：仲有醉虾同醉鸡，肉质同味道本身可以，系冇咩醉味。2️⃣京式小菜 – 淀粉质方面有炒年糕、炒饭同辣炒土豆丝；肉类有椒盐排骨、糖醋鱼块、东坡肉、水煮牛肉等；另有几款斋菜。大部份都系不过不失，炸野普遍唔脆，推荐东坡肉！3️⃣片皮鸭 – 师傅嘅刀工真系唔掂，旧旧都肉多过皮，好彩鸭味可以，不过略嫌太油；饼皮同配菜嘅青瓜京葱标准，我未试过夹哈蜜瓜条，甜甜地都几得意。4️⃣即蒸/炸点心 – 上面提过嘅就可以自己出去拎，另有点心6款点心即叫即蒸/炸。都系中规中矩，但不推荐炸馒头同春卷，又干又唔脆，小笼包都算皮薄多汁，可以encore！5️⃣即炸甜品 - 除左点心仲有4款甜品即叫即炸，不过京式甜品多有红豆，我个人不喜欢所以只试左高力豆沙，豆沙绵但冇沙，而且唔够脆，不用encore。6️⃣砂窝花胶鸡汤 (一人一碗) – 花胶唔滑，都唔系浓嘅鸡汤。7️⃣原只鲍鱼花菇 (一人一份) – 两样野口感都唔韧，只系唔系贵价货所以味道唔重。饮品方面有汽水、竹蔗芧根水同甜豆浆，味道可以，唔会过甜；另有杞子桂花糕、酒酿同姜茶丸子