INN - I’m Not Nothing

营业中

休息中

放工时间想食西餐，又唔想山长水远走到油尖旺区，好在喺公司附近都有唔少好嘅选择，今日就嚟到荔枝角亿利工业INN食西餐。今次两个人叫咗两个前菜加一个主菜。前菜我哋拣咗牛油香煎带子忌廉菠菜配香脆酸种面包多士，香煎带子都有返咁上下大粒，忌廉菠菜配埋面包多士一齐食味道平衡得唔错，唔会太重草青或者一未得忌廉味。另一个我哋就叫咗巴马芝士黑松露薯条，可以见到黑松露酱一啲都唔悭皮，而且薯条唔系得死咸味，而系芝士带出嚟嘅咸香味。主菜方面，我哋今次就冇锯扒啦，叫咗慢煮八爪鱼墨汁意大利饭，见到八爪鱼份量唔错，食落唔会好韧，慢慢咀嚼仲会食到腌制嘅香料味，墨鱼汁意大利饭饭粒吸饱酱汁又唔会太腻。最后我哋仲嗌咗个甜品做结尾，今次我哋拣咗芒果热情果忌廉pancake，班戟质地非常有趣，唔似一般喺甜品舖度食到嘅质感，而且配合芒果同热情果酸酸甜甜，唔会因为搽咗忌廉就会有饱同济嘅感觉。整体用餐体验唔错，而且餐厅环境舒适，枱同枱之间嘅空档亦都好充足，墙身更会播放有主题嘅画面同音乐，配合成个环境喺放工时间嚟讲都系一个唔错嘅享受。