德麗食店 (已結業)

以同类熟送食店o黎讲我谂唔会揾到呢个价钱！一个两送饭都系$16!! 本人食量细，所以去亲都系要两送走饭，都系$11！$11就可以搞掂餐晚饭去边度?？D送就普通款式同埋似住家送，例如蒸肉饼，煎/蒸鱼，炒瓜菜o甘。基本上以瓜菜类多（据闻因为隔黎档菜档都系佢地所以菜类较多）。而且D送仲无乜味精添。另外例汤味道就淡左D。最紧要就系佢地收得呢个价钱服务态度仲系好好！"不"送o既时候绝对唔会话悭住悭住，D阿姐真系成个盒装到满一满比你。不过由于通常都系得一个阿姐系厨房一脚踢，所以佢地装完盒送都系要D客自己入袋同埋装筷子。堂食o既卫生环境就真系麻麻喇，所以各位最好都外卖返屋企啦。另外D送有时可能唔够热，返到屋企返热食会好好多。呢个价钱就可以搞掂餐晚饭，好过自己煮啦！最后建议各位如果想帮衬o既朋友，如果明知系外卖返屋企食，就尽量唔好o罗人地D木筷子同胶匙，始终小本经营同埋野食已经o甘平，唔好晒人地D物资，又可以环保D。百物腾涨，真系好需要呢D食店帮帮大家抗通胀的。