Lagom Kaffe (已結業)

呢间餐厅食物唔算特别突出，但最大特色系似日韩台式cafe，真系一个好适合假日办公/打发时间嘅地方，环境好舒适，气氛都好放松，令人可以好专注咁做嘢。有卡位、梳化，圆枱、靠窗高櫈位，楼底高、空间感十足餐厅内嘅装饰好有特色，摆设都有心思，令人感觉好温馨。除咗咁，竟然有printer，方便打印文件同埋做其他办公用途食物方面，我叫咗芒果鸡肉韩式辣酱三明治啱啱一嚟望住就已经好吸引，个三明治烤到好香脆，入面夹住芒果同鸡肉，再加上啲韩式辣酱，好够味，又唔会太辣再嚟就系巴马火腿蜜瓜沙律色彩丰富，好靓仔！味道亦都好清新，蜜瓜嘅甜味同火腿嘅咸味唔会相互冲突。不过我觉得啲沙律菜碎咗啲，我钟意食大块啲最后就系草莓吉士挞啦，吉士挞个皮唔够松脆，偏硬，但我欣赏佢唔会太甜，佢啲士多啤梨酸酸地，夹埋一齐食唔错总括黎讲，呢三款食物份量适中，值得一试嘅！职员都友善，食物价钱可能贵啲啲，但坐得耐又唔同讲法，好过去coffee shop啦。系度消费完有得免费泊车。可以一边工作一边享受美食（同打卡），真系好方便又舒服！