影片
更多
2024-10-11
462 浏览
呢间位于上环嘅fusion餐厅，菜式结合中西及西式，为客人带来传统及创新嘅体验。餐厅名为「1908」，沿于第一间中菜馆于伦敦开业，充满历史气息。餐厅设计以蓝色为主调，灯光温暖柔和，宁静又舒适。座位分为室内及室外，更设有酒吧区，无论家庭及朋友聚会，大型派对活动或两三知己都非常适合。我哋今次点咗2个一人晚市套餐（$680），有汤羹，前菜，主食及甜品，相当丰富。💙鲜蟹肉粟米羹第一道菜系粟米羹，入口鲜香，啖啖粟米同蟹肉。蟹肉新鲜，粟米清甜，再加上小小胡椒，成个汤羹嘅味道更加突出。💙芝麻虾多士 | 酥炸云吞| 田园沙律-呢道虾多士相当特别，比平时食到嘅更加丰富，外层铺满黑白芝麻，食到黑芝麻嘅香浓及白芝麻嘅清新。本身外皮已经炸到酥脆，加上用咗芝麻铺喺面，就算摆咗一阵，都保持到入口香脆嘅口感。鲜虾大只爽口，多士沾上甜酸汁，非常滋味。-酥炸云吞外皮金黄香脆，咬落去脆卜卜，内馅肉质爽口多汁，搭配泰式酸辣酱一流👍🏻-沙律菜新鲜清甜，用上南乳酱做沙律汁，第一次食沙律系用呢种酱汁，好特别创新，估唔到又几夹㖞！💙香酥鸭挂包挂包热腾腾送上，保持到温度同湿度。包嘅外皮松软，内部包住香酥鸭肉同青瓜，咬落去感受到外皮的
餐厅名为「1908」，沿于第一间中菜馆于伦敦开业，充满历史气息。餐厅设计以蓝色为主调，灯光温暖柔和，宁静又舒适。
座位分为室内及室外，更设有酒吧区，无论家庭及朋友聚会，大型派对活动或两三知己都非常适合。
我哋今次点咗2个一人晚市套餐（$680），有汤羹，前菜，主食及甜品，相当丰富。
💙鲜蟹肉粟米羹
第一道菜系粟米羹，入口鲜香，啖啖粟米同蟹肉。蟹肉新鲜，粟米清甜，再加上小小胡椒，成个汤羹嘅味道更加突出。
💙芝麻虾多士 | 酥炸云吞| 田园沙律
-呢道虾多士相当特别，比平时食到嘅更加丰富，外层铺满黑白芝麻，食到黑芝麻嘅香浓及白芝麻嘅清新。本身外皮已经炸到酥脆，加上用咗芝麻铺喺面，就算摆咗一阵，都保持到入口香脆嘅口感。鲜虾大只爽口，多士沾上甜酸汁，非常滋味。
-酥炸云吞外皮金黄香脆，咬落去脆卜卜，内馅肉质爽口多汁，搭配泰式酸辣酱一流👍🏻
-沙律菜新鲜清甜，用上南乳酱做沙律汁，
第一次食沙律系用呢种酱汁，好特别创新，
估唔到又几夹㖞！
💙香酥鸭挂包
挂包热腾腾送上，保持到温度同湿度。
包嘅外皮松软，内部包住香酥鸭肉同青瓜，咬落去感受到外皮的弹性和内馅的鲜嫩。
鸭肉酥脆多汁，食到五香粉同酱汁嘅味道，而新鲜清爽嘅青瓜，平衡返成个口感，唔会感到油腻。
💙宫保腰果鸡柳
鸡柳嫩滑，腰果香脆香口，配上红椒，黄椒，西芹及西兰花，颜色相当丰富。
酱汁酸甜微辣，好惹味，非常开胃🤤
💙脆皮牛肋骨跟咖喱汁 （+$98）
非常创新同有惊喜！第一次食牛肋骨系酥皮😳
牛肋骨外层煎炸至酥脆，入面肉质鲜嫩，一啲都唔韧，完全喺入口香脆，再咬落松化！
咖喱汁香浓微辣，浓稠度perfect ，好惹味 ！
💙英式烟肉菜粒炒蛋饭
有别于平常的西炒饭，用上烟肉取代火腿。
烟肉的咸香味道好突出，配合菜粒嘅爽口口感，米饭粒粒分明，口感丰富，好满足😊
💙厨师甜品
蓝莓芝士蛋糕及芒果Panna Cotta
🫐蓝莓芝士蛋糕饼底特别，用咗焦糖饼干底，香脆甜甜，芝士香浓幼滑，配上新鲜蓝莓，好好食！
🍮芒果Panna Cotta走清新热带路线，饼底系传统牛油饼干底，冇咁甜。
中层奶冻香滑，有牛奶味，而层底芒果果蓉酸酸甜甜，铺满浓郁嘅椰丝，好有泰国风味🥭
💙Moctails
-Lychee Mint （+$70）
好香嘅荔枝味，酸酸甜甜，带有清新嘅薄荷香气
-Pomegranate Fizz （+$70）
新鲜石榴汁加入青柠及cream soda,微酸微甜嘅有汽饮品，充满夏日感觉
鲜蟹肉粟米羹
59 浏览
0 赞好
0 留言
芝麻虾多士 | 酥炸云吞| 田园沙律
109 浏览
0 赞好
0 留言
香酥鸭挂包
26 浏览
0 赞好
0 留言
英式烟肉菜粒炒蛋饭
7 浏览
0 赞好
0 留言
脆皮牛肋骨跟咖喱汁
6 浏览
0 赞好
0 留言
宫保腰果鸡柳
6 浏览
0 赞好
0 留言
蓝莓芝士蛋糕及芒果Panna Cotta
0 浏览
0 赞好
0 留言
Moctails
$70
8 浏览
0 赞好
0 留言
张贴
