劉興記生煎包專門店

营业中

休息中

最近去咗上环呢间好出名嘅上海菜，食物质素同服务都好好，唔怪得keep住有好多游客。首先，佢哋自家制嘅低糖冻豆浆真系好高质，豆味浓厚，仲有少少起沙，最正系可以无限添饮，饮到停唔到。跟住当然唔少得佢哋嘅镇店生煎包，包底煎到好香脆，咬落去仲会爆汁，真系好满足。餐厅仲写到明如果包唔够热，食客可以要求更换，可见佢哋对自己嘅要求几高。上海排骨同样出色，酥炸得香脆，肥美又多汁，非常邪恶。我拣咗配菜饭，菜分布得几均匀。朋友就试咗上海拉面，话味道都唔错。我哋另外嗌咗小笼包，好多汤汁，皮薄得啱啱好。