影片
更多
2023-10-13
231 浏览
上次去咗TMK Rap and Roll觉得佢哋嘅fusion思维好有惊喜，今次去咗另一间分店TMK Punk and Roll亦都冇令我失望。上环嘅舖头系楼上铺，一入目系好有风格嘅涂鸦墙，用咗摇滚金属主题装修，上完楼梯转左就会见到一架好有型嘅摩托车。店入边有吧枱普通枱可以选择，随机播放唔同嘅摇滚音乐。因为今次好懒所以就叫咗配搭好嘅Mohawk Menu ($348/pp)咁就唔使烦恼拣啲乜。当日前菜有三款，分别系枝豆、大阪烧同油甘鱼刺身。枝豆系泰式辣酱风味，去咗咁多间日本餐厅都未试过呢一种风味，吸引到令我一个接一个咁食。油甘鱼刺身酸辣有度，上面有啲炸过嘅藜麦，口感好有层次，开胃之余又不失风味。之后有韩式炸鸡同TMK Kimchi Salad，柚子包菜沙律嘅酱汁调配得好好，鲜味带酸辣，中和左韩式炸鸡嘅油腻，味道互补。入边仲有自家腌制嘅泡菜，偏甜但爽脆。主菜有蟹柳牛油果手卷、Chicken Ta Da、炸吞拿鱼卷蟹柳卷，每种嘅口感都系啱啱好，炸物脆香，食完好满足。最后由甜品Chocomonaka作为结尾，整体黎讲每个配搭都有惊喜，味道平衡得好好，相信呢个Menu系可以食到TMK嘅精华。
上环嘅舖头系楼上铺，一入目系好有风格嘅涂鸦墙，用咗摇滚金属主题装修，上完楼梯转左就会见到一架好有型嘅摩托车。店入边有吧枱普通枱可以选择，随机播放唔同嘅摇滚音乐。因为今次好懒所以就叫咗配搭好嘅Mohawk Menu ($348/pp)咁就唔使烦恼拣啲乜。
当日前菜有三款，分别系枝豆、大阪烧同油甘鱼刺身。枝豆系泰式辣酱风味，去咗咁多间日本餐厅都未试过呢一种风味，吸引到令我一个接一个咁食。油甘鱼刺身酸辣有度，上面有啲炸过嘅藜麦，口感好有层次，开胃之余又不失风味。
之后有韩式炸鸡同TMK Kimchi Salad，柚子包菜沙律嘅酱汁调配得好好，鲜味带酸辣，中和左韩式炸鸡嘅油腻，味道互补。入边仲有自家腌制嘅泡菜，偏甜但爽脆。主菜有蟹柳牛油果手卷、Chicken Ta Da、炸吞拿鱼卷蟹柳卷，每种嘅口感都系啱啱好，炸物脆香，食完好满足。
最后由甜品Chocomonaka作为结尾，整体黎讲每个配搭都有惊喜，味道平衡得好好，相信呢个Menu系可以食到TMK嘅精华。
张贴
