丼造

营业中

休息中

上环，一个非常繁忙嘅商业区。每日一到放饭嘅时间，想揾个位解决肚饿都唔系一件易事，所以唔少人都会选择落楼买个外卖番公司食。呢一间叫做「丼造」嘅小店，位置响禧利街，虽然店面唔大，但系啲嘢食都好得。首选推介嘅系「咖哩炸鸡乌冬」用上惹味嘅日式咖喱，配合外脆内嫩嘅炸鸡，再加上份量唔少嘅鸟冬。真系做到集饱肚同好味于一身。「油甘鱼鲛」又系呢间小店嘅得意之作，鱼油香十足之外，鱼肉亦好嫩滑，外层更加烧到有焦香嘅味道。配埋个饭真系有种完满嘅幸福感觉。其实两个餐点都附送日式餐汤架，拎住个外卖番公司食，啲同事都问响边度买，梗系啦，落雨湿湿得嚟又热又焗，唔通仲去茶记同人搭枱咩，大家都识拣嘅。