影片
更多
2023-09-17
33 浏览
平时打边炉用的汤底通常都系沙嗲、麻辣或者芫茜皮蛋等等，但当听到有间楼上火锅店话用老火汤黎到做汤底，包括滋补花胶鸡煲、天麻川芎白芷鱼头煲、黑蒜姬松茸脊骨煲等，真系颠覆左我由细到打对打边炉的认知，咁我当然即系订枱要试下啦!今次就介绍位于上环的楼上火锅店叫汤煲私房火锅，主打无味精老火汤底、自家食材，连酱料同饮品都系自家制，好有家的感觉。<滋补花胶鸡煲>汤底拣左比较补身的花胶鸡煲，一上枱店员就叫我地饮左汤同食左汤料先再打边炉。汤料一望落去就好足料，包括有多好件鸡同埋花胶仔，另外亦加左金华火腿、红枣、桂圆同埋姜片等材料，所以一饮落去就已经感受到汤底的「内涵」。汤头醇香可口，味道层次底蕴很深，果然滋味无比，基本上我地已经遗忘要打边炉，只系不断系度饮汤。<顶级本地手切骟牯牛>骟牯牛即系指将公牛阉割后令雌激素，因而做到油分比较平均但同时保留浓郁的牛味。店员提醒我地只要渌十秒就够，果然十秒已经熟得黎仲保持嫩滑。同埋基本上唔洗点酱都够晒原汁原味。<即炸向铃及鱼皮>呢度的向铃及鱼皮即叫即炸，向姈超香脆松化，咬一啖就完全feel到里面的新鲜热辣。鱼皮充满鱼香味，
今次就介绍位于上环的楼上火锅店叫汤煲私房火锅，主打无味精老火汤底、自家食材，连酱料同饮品都系自家制，好有家的感觉。
<滋补花胶鸡煲>
汤底拣左比较补身的花胶鸡煲，一上枱店员就叫我地饮左汤同食左汤料先再打边炉。汤料一望落去就好足料，包括有多好件鸡同埋花胶仔，另外亦加左金华火腿、红枣、桂圆同埋姜片等材料，所以一饮落去就已经感受到汤底的「内涵」。汤头醇香可口，味道层次底蕴很深，果然滋味无比，基本上我地已经遗忘要打边炉，只系不断系度饮汤。
<顶级本地手切骟牯牛>
骟牯牛即系指将公牛阉割后令雌激素，因而做到油分比较平均但同时保留浓郁的牛味。店员提醒我地只要渌十秒就够，果然十秒已经熟得黎仲保持嫩滑。同埋基本上唔洗点酱都够晒原汁原味。
<即炸向铃及鱼皮>
呢度的向铃及鱼皮即叫即炸，向姈超香脆松化，咬一啖就完全feel到里面的新鲜热辣。鱼皮充满鱼香味，好似薯片咁，令到你不断想食的感觉。同埋店员唔建议你放入汤底，而系当小食咁享用。
<自家制虾丸>
平时有好多火锅店都讲自家手打丸，但其实除左手打外，肉丸用料质素都好重要。汤煲的虾丸真心有惊喜，首先虾丸有六大粒，Size大过乒乓波，平时已经可以变成12粒。而食落去好弹牙，基本上食到原只虾肉出黎，证明系足料无加粉或肥羔去做手打丸。
<手工特色饺子>
今次叫左呢度最Signature的川色麻辣牛肉饺同埋味噌大根黑豚饺，各有特色。麻辣牛肉花椒味重，牛肉馅有餣过，唔食得辣的朋友都接受到个辣味。
<虾皇酱>
打边炉点少得酱料，除左平时见到的酱料外，仲有呢度特色的虾皇酱，材料用虾米、虾膏、虾头、虾籽等爆炒，另外无沟其他食材，全部都真材实料。食落去虾味好香浓，余韵仲留系口腔，少少辣但唔会盖过咸香的鲜味。
整体黎讲，汤煲可以话系其中一个最有特色及最有家的味道火锅店。有别于连锁店，好多食材都系当天新鲜制造，同埋系自家制，加上老火汤真系无得输。顺带一提系呢度消费够$1000就可以免开瓶费，下次可以揾埋三五知己一路打边炉，一路畅饮吹下水。
店舖: 汤煲私房火锅
地址: 上环永乐街1-3号世瑛大厦4楼401室
张贴
