六安居

营业中

休息中

喺上环海味舖附近有一间屹立咗好耐嘅茶楼，叫做六安居。门面已经能够感受到佢嘅传统老派气势，入到去𠮶种浓烈嘅亲切感令我更加喜欢呢个茶楼🤎是晚傍晚嚟到叫小炒食晚饭。餐牌有各式各样嘅𩠌菜，款式非常之多，好彩有热心嘅哥哥过嚟帮我哋推介一下💁🏽‍♂️今晚点咗呢啲小菜🤤🦐椒盐海虾（半斤）($138) 呢个系店里哥哥介绍嘅必点小菜。海虾食得出系新鲜，配上椒盐嘅味，煎到非常入味，亦都食得出海虾嘅鲜甜味，送饭一流🤌🏻🐽金钱鸡 ($18/件)呢个可以当做前菜，用上叉烧，肥猪肉，鸡肝，上面再加块酸姜，店里哥哥教要一啖摆入口，然后慢慢咀嚼佢嘅味道，喺口入边可以食得出整个配搭嘅味道，然后喺口入边慢慢品尝。呢种传统嘅味道应该只系系呢种怀旧式嘅茶楼先可以叫到🫶🏻🐮七味牛仔骨($118)重口味嘅就可以食牛仔骨，每啖都系满满嘅牛嘅精华👌🏻最钟意就系食佢嘅黐住喺牛仔骨旁边嘅筋，烟烟韧韧咁样每啲黑椒汁，非常之惹味🔥🥬蒜蓉豆苗($138)再配上一个味道比较清新嘅蔬菜，最钟意嘅都系食豆苗👍🏻🫖茶钱$8/位整体嚟讲呢间系一间好出色嘅茶楼，估唔到晚上小菜可以做得咁出色。见到佢午市嘅时候系做推车仔嘅点心，非常怀旧，一定要揾一次过嚟再试吓