越蘆越南牛肉粉

营业中

休息中

上环区同朋友做完嘢午饭时间揾嘢食，难度超高，完全要靠朋友带路去睇吓边度有机会可以唔使等太耐位就已经好满足，结果佢带咗我去食越南嘢，可能时间比较好，所以都唔使等好耐就有位坐，地方同环境都唔错，附近行过嘅人亦都唔多，当然位置会离开地铁站稍为远咗少少，但系仲可以接受嘅。叫咗个餐首先杯话梅咸桔水份量同味道都唔错，好醒神。至于主角生牛肉汤粉各方面都几好，第一样系好难得啲牛肉都真系半生熟状态，因为有啲会整到熟晒，有香叶有洋葱，汤嘅味道亦都几好，不过个人口味问题，自己都系会加鱼露落去啲汤度令到个汤在鲜味啲。