俊軒越南餐廳

营业中

休息中

平时好少去上环食饭，咁岩约咗个系上环翻工嘅朋友收工食饭，听佢讲平时lunch hour好多人帮衬; 入到餐厅，见到只系得两三张台，就以为好细，点知原来楼上仲有台。呢间铺头虽然位于巷仔入面，但其实好近地铁站，位置都几方便，值得一赞嘅系呢间餐厅嘅老细同店员都好热情，服务非常有礼。 🦀️蕃茄蟹肉汤檬呢个汤檬配料非常丰富，有蟹肉、蟹肉饼、札肉、鲜虾，佢嘅蟹肉饼非常特别，混合左猪肉同蟹，味道有层次，而汤底味道非常浓郁，好重蕃茄同蟹味，饮完仲要唔会口渴。🐖 香茅炒猪肉片捞檬天气闷热最岩就系食捞檬，呢间份量非常多，檬粉配上酸酸甜甜嘅酱汁，好开胃，而猪肉片亦都好腍，同时好重香茅味。🥗 青木瓜虾沙律呢份沙律非常推介大家试下，份量非常多之余，木瓜丝好爽口，味道酸酸辣辣，非常开胃，最钟意啲木瓜丝切到比较幼身，同时又好入味。 🐄牛肉滨海呢个越南菜式第一次食，转登叫黎试下，「滨海」其实就系蒸软后干上嘅米粉，个样好有趣，就好似蜘蛛网咁，上面铺左香茅烤牛肉片，令到味道唔会咁清淡，最后连埋生菜包住一齐食。🍤鲜虾米纸卷米纸卷味道清新，同时又好健康，烟韧嘅米纸包住爽脆嘅生菜同青瓜，再加埋新鲜既鲜虾，开头以为会好dry，但原