越蘆越南牛肉粉

营业中

休息中

妈咪打牌，近近地喺屋企附近呢一间越南嘢度食个晚餐，成日路过都见到好多街坊帮衬，搞到我都有啲期待。餐厅成个场地正正方方咁，几大几新净。睇完餐牌之后，叫咗一个捞檬，一碗汤粉同埋一个法包，两个人一齐share。整体食物嘅size都几大，性价比不错。传统越南法包$78包面非常酥脆，里面馅料有肝酱、扎肉、扎蹄、胡椒猪肉、酸菜和青瓜等等。全部配料味道都唔会过浓，夹埋一齐好好食，但系又唔可以抢咗对方嘅味道。肝酱浓郁，扎蹄带少许猪皮，好弹牙，整个味道酸甜开胃。保宁鸡丝扎肉汤粉$82佢哋有唔同嘅鸡汤牛汤汤粉，同埋蕃茄蟹肉汤汤粉，我哋牛肉过敏，就拣咗呢一份鸡汤。汤头清甜清甜的，河粉亦滑溜，里面加入咗只紫洋葱、芽菜和九层塔等，令汤底更显清新，钟意食辣嘅可以将佢地附送嘅小辣椒加埋入去个汤，辣椒味出得好快，辣得好爽。香茅猪扒捞檬 $82猪扒质地紧实，而且都几大块，香口中带点咸香，加上爽滑檬粉，同埋自家制酸甜鱼路酱汁，冰冻开胃，几啱呢个天气食。