影片
更多
2024-12-28
476 浏览
上环永乐街Juno，系一间米芝莲推荐餐厅，橄榄绿色瓷砖门面，外国气息浓，打卡真系一流！Juno主打意大利菜，又融合地中海特色，非常受欢迎。佢哋$538 Tasting Menu可以试到多款口味，其中有五道前菜。Iberico Ham 48 months48个月伊比利亚火腿，卖相好靓，火腿充满咸香，搭配新鲜又松软嘅面包，口感层次丰富。Burrata Pugliese用咗食材新鲜嘅流心水牛芝士同有机小蕃茄，摆盘充满艺术感。Egg Tonnato吞拿鱼蛋黄酱泡沫，蛋型杯装住，入面系意式吞拿鱼酱，口感绵密细腻，面头再加上三文鱼籽，卖相打卡一流！Padron Peppers炸香咗嘅青椒仔，食材新鲜高质，外表饱满均匀，入口回甘。主菜都相当吸引，我哋每人拣咗一款。Pork Ribs炭烤猪肋骨，用红石榴糖蜜上色，色泽出众，肉质软嫩亦烤得非常入味，配搭红石榴肉果增加水果香甜气息。焗薯口感绵密，份量十分满足。Truffled Angus Beef Cheek Risotto (+HK$40)黑松露安格斯牛面肉烩饭则香浓无比。牛肉炆得软冧，卖相唔错，烩饭软硬适中有咬口，加埋黑松露及帕玛臣芝士，惹味香口。De
上环永乐街Juno，系一间米芝莲推荐餐厅，橄榄绿色瓷砖门面，外国气息浓，打卡真系一流！Juno主打意大利菜，又融合地中海特色，非常受欢迎。
佢哋$538 Tasting Menu可以试到多款口味，其中有五道前菜。
Iberico Ham 48 months
48个月伊比利亚火腿，卖相好靓，火腿充满咸香，搭配新鲜又松软嘅面包，口感层次丰富。
Burrata Pugliese
用咗食材新鲜嘅流心水牛芝士同有机小蕃茄，摆盘充满艺术感。
Egg Tonnato
吞拿鱼蛋黄酱泡沫，蛋型杯装住，入面系意式吞拿鱼酱，口感绵密细腻，面头再加上三文鱼籽，卖相打卡一流！
Padron Peppers
炸香咗嘅青椒仔，食材新鲜高质，外表饱满均匀，入口回甘。
主菜都相当吸引，我哋每人拣咗一款。
Pork Ribs
炭烤猪肋骨，用红石榴糖蜜上色，色泽出众，肉质软嫩亦烤得非常入味，配搭红石榴肉果增加水果香甜气息。焗薯口感绵密，份量十分满足。
Truffled Angus Beef Cheek Risotto (+HK$40)
黑松露安格斯牛面肉烩饭则香浓无比。
牛肉炆得软冧，卖相唔错，烩饭软硬适中有咬口，加埋黑松露及帕玛臣芝士，惹味香口。
Dessert系提拉米苏同黑樱桃奶冻。
提拉米苏咖啡粉浓郁，底层湿润、中间有手指饼碎同惹味芝士，层次丰富。
黑樱桃奶冻
入口细腻顺滑，充满果香同奶味。
张贴
