影片
更多
2023-07-02
673 浏览
📌 汤煲私房火锅 - 上环永乐街1-3号世瑛大厦4楼401室🗓(2/7) 星期日 ⏰ 晚上6点左右 🌐网址: https://s.openrice.com/QrbS0csa900~ueeoDBA 💈特式：今日放假去开港岛，就谂住顺便系呢边食埋晚饭，想揾返间真系有质素嘅手工火锅食下，上openrice一睇，见到呢间评价竟然去到272好评对1个负评，见到咁一面倒嘅正评就决定去试下，餐厅位于新纪元广场旁嘅一幢大厦入面。🥩🍔🌭🌮🥗🥯🥘🍲🍝🍣🥟🍤🍱食物：首先见到佢地火锅汤底都几有自己嘅特式，例如🐟天麻川芎白芷鱼头煲/🐷黑蒜姬松茸脊骨煲/🦆冬瓜陈皮水鸭煲等等，另外餐厅都主打一些手工制嘅丸类同🥟饺类，而家等我同大家讲下🥘味道先。酱料 - 不可不提一提佢地个酱料，因为店员上酱料时都有推介佢地餐厅自家调制嘅🦐虾皇酱，系用大量虾头/虾膏/虾酱/虾干/虾籽等材料做出嚟，味道咸鲜；惹味又多料，好食过出面d XO酱多多声，所以我忍唔住问职员有无得卖，结果买左一罐返屋企。🍲汤底 - 本身想叫佢地个冬瓜陈皮水鸭煲去下湿热，不过见到佢刚刚推出左🌶四川青花椒煲几吸引，所以先试左呢个先，个汤底嘅辣度就可以向店
🗓(2/7) 星期日 ⏰ 晚上6点左右
🌐网址: https://s.openrice.com/QrbS0csa900~ueeoDBA
💈特式：今日放假去开港岛，就谂住顺便系呢边食埋晚饭，想揾返间真系有质素嘅手工火锅食下，上openrice一睇，见到呢间评价竟然去到272好评对1个负评，见到咁一面倒嘅正评就决定去试下，餐厅位于新纪元广场旁嘅一幢大厦入面。
🥩🍔🌭🌮🥗🥯🥘🍲🍝🍣🥟🍤🍱
食物：首先见到佢地火锅汤底都几有自己嘅特式，例如🐟天麻川芎白芷鱼头煲/🐷黑蒜姬松茸脊骨煲/🦆冬瓜陈皮水鸭煲等等，另外餐厅都主打一些手工制嘅丸类同🥟饺类，而家等我同大家讲下🥘味道先。
酱料 - 不可不提一提佢地个酱料，因为店员上酱料时都有推介佢地餐厅自家调制嘅🦐虾皇酱，系用大量虾头/虾膏/虾酱/虾干/虾籽等材料做出嚟，味道咸鲜；惹味又多料，好食过出面d XO酱多多声，所以我忍唔住问职员有无得卖，结果买左一罐返屋企。
🍲汤底 - 本身想叫佢地个冬瓜陈皮水鸭煲去下湿热，不过见到佢刚刚推出左🌶四川青花椒煲几吸引，所以先试左呢个先，个汤底嘅辣度就可以向店员要求，所以就算唔系太食辣嘅朋友都会食到；其次，佢地个辣系青香嘅辣，再带少少麻味去刺激味蕾，唔系死辣个只，配牛肉食仲可以进一步带出牛肉嘅鲜甜味。
✂️🐮顶级本地手切骟牯牛 $428 - 因为肥牛/滑牛个d都比较常见，所以我就拣左骟牯牛，骟牯牛就即系阉牛，香港唔系好多地方有得食，阉左嘅牛牛雌激素会上升，脂肪分布就会更加平均，就算渌耐左肉质都keep到滑嫩，牛味亦更浓郁持久，正到一个点。
🐮👅爽滑牛脷片 $168 - 另外仲叫左碟牛脷片，牛脷片个质感爽口，如果渌耐d就会腍滑但又唔韧，仲好香牛味，必点推介⭐️。
自家制虾丸 $118 - 手工丸我就拣左虾丸，虽然只有六粒，但粒粒都乒乓波咁大，咬落去食到好丰富鲜虾肉，劲爽口同鲜甜，好食到停唔到口。
川色麻辣牛肉饺/味噌大根黑豚饺(双并) $108 - 手工饺有两款，佢地自家制饺皮薄又烟靭，馅料又多，仲可以加$20转双并，咁我梗系一次过试晒两款。
🌶🐮🥟麻辣牛肉饺 - 麻辣味唔会好重，唔食辣嘅朋友都食到，反而佢个牛肉味就好出同好鲜味，整体感觉惹味。
🐷🥟味噌大根黑豚饺 - 我本身就好钟意食味噌味，佢配埋一丝丝嘅萝卜同黑豚馅料，感觉就似味噌味嘅萝卜榚，但只饺食落系带甜味，有d似寿喜烧咁嘅味道，我本人就好钟意，极之推介⭐️。
水晶叉烧包/水晶野菌包(双并) $108 - 我仲记得首创水晶包嚟打边炉系湾仔「有骨气」，不过都差唔多二十年前嘅事，期间我都试过其他嘅火锅水晶包，但都不及呢度咁好食。
🔮水晶叉烧/野菌包 - 外皮晶莹通透又烟靭，馅料味浓份量多，真系食得出手工制个份心机。叉烧包个味真系好叉烧包；野菌个味就清d，但入面好多菇菌粒，有咬口⭐️。
即炸鱼皮及响铃双拼 $108 - 唔系讲笑，呢个炸鱼皮同响铃系我食过暂时最好食(没有之一)，即炸个种酥脆口感觉好强，而且做到一d都唔油，无论就咁食或者落汤都系无敌嘅存在⭐️。
☕️🍵🥤🧋🍺🍷🥃🍹🧉🍾🍶🥛
饮品 : 餐厅亦有唔少有酒精或无酒精饮品，但最吸引应该系餐厅都推介嘅自家制酸梅汤，饮落生津润喉又解腻，外购野真系完全无得比。
🍽环境：餐厅环境干净整洁又光猛，而且清幽宁静，格局似一间私房菜馆多于一间火锅店，整体感觉舒服，餐厅d櫈又好座，而且完全无油烟味。
🤵🏻🤵🏻♀️🤵🏻♂️服务：店员服务态度好好，一坐低就好详细咁介绍佢地餐厅嘅特式汤底，时令食材，menu上有咩食材已售罄等等，店员仲有提醒，如果消费满$1000可以免开瓶费，不过我今次就唔适用。
💰💸价钱：叫左汤底同以上火锅料及饮品，计埋加一同酱料埋单大约$1400蚊，以佢出色嘅锅底同咁高嘅食物质素，尤其系佢地个汤底同手工食品，价钱都尚可接受。
🐲💬总结：我觉得呢间手工火锅都做得好出色，环境亦舒服，虽然价钱唔讲得话好平，但胜在质素取胜，见佢地其他汤底/食材都好吸引新鲜，期待下次有特别庆祝/节日嚟试埋佢地。
推荐指数：❤️❤️❤️❤️❤️(超推介⭐️)
酱料
56 浏览
0 赞好
0 留言
四川青花椒煲
51 浏览
0 赞好
0 留言
顶级本地手切骟牯牛
$428
49 浏览
0 赞好
0 留言
爽滑牛脷片
$168
59 浏览
0 赞好
0 留言
自家制虾丸/川色麻辣牛肉饺/味噌大根黑豚饺/水晶叉烧包/水晶野菌包
49 浏览
0 赞好
0 留言
即炸鱼皮及响铃双拼
$108
45 浏览
0 赞好
0 留言
虾皇酱
$100
48 浏览
0 赞好
0 留言
张贴
