明星海鮮舫 (已結業)

家庭聚会,阿姨话呢度点心多又抵食,所以就黎呢度饮茶。见到门口好多人,仲以为要等好耐,点知一问就有位,仲快过平时去其他酒楼。幸运地坐到窗边位,虽然出面落雨,但都几好view,正!!叫左好多野:最深刻系流沙包、烧鹅濑粉、虾肠、烧腩仔。流沙包好流沙,好香好热,不愧为著名点心,唔错;烧鹅濑粉抵食,十几蚊大大碗,皮脆肉香,一碗都饱左大半;虾肠:入面既虾好爽好大,再黎要double上;烧腩仔脆卜卜,件件五花腩,好靓仔,阿姨话仲好过平时..其余都不过不失,以呢个价钱就真系几抵lu,有机会会返炒。侍应姐姐个个都好nice,又讲得笑!仲可以双语对答,真好玩。