明星海鮮舫 (已結業)

大埔友各自用自己方式到達現場，難得有機會聚首一堂。由我兒時起已好想親臨海鮮舫一睹風采，奈何一直無幾會。十幾年後終於緣份到喇，多謝雲姐賜我盛宴。多年來都以為位置遠離岸邊及後受周星馳食神影響，更深信不疑要駁艇才能到達。到這刻如夢初醒，原來座落於馬路邊，心裡傳來巨大噓聲囉！步入大廳那麼的暗呢？怪怪的粉紅色霓虹光管，那裡的夜店？找到自己的餐桌靜靜座下，嘆幾啖鐵觀音跟朋友們寒暄問候一下，耐心等候開飯。我最緊張都係今晚食咩餸，鴻運乳豬全體、上湯焗龍蝦伊麵底，唔洗連隻底字都印埋掛，好貼地喎，哈哈。富貴花炒帶子雙蚌，何為富貴花？富貴竹我就知。多子百花球、明星海中寶燉湯、清蒸珍珠躉、蠔皇金錢扣原隻鮑魚、明星極品燒雞、瑤柱珍珠雞、炸雷沙湯圓，炸湯圓，宮廷流沙飽？食完流沙就會飽？係咪真係飽架？永結同心、環球生果。我真係堅鍾意睇菜牌，經常有意外收獲，富娛樂性又有學術性，笑死我！程序依舊新人進場，著韓式古裝禮服？果真獨特。播片、演講、宣誓、切糕、錫錫、播音樂、乳豬進場，禮成！鴻運乳豬全體，都幾冰凍架喎，油膩感十足，皮脆一咬散碎，肉咸黏著厚厚肥膏，朋友們不太喜歡，又係我包底。上湯焗龍蝦伊麵底，不太清楚是那裡龍蝦，

平日練跑見到呢坐海鮮舫。最後一夜先識來吃飯。點了個明星小炒皇。碟菜有腰果，西芹及炒豆腐。腰果好有咬勁。西芹好爽口。炒豆腐好易入口。混入白飯非常好食。杯香片好清香。今晚個場坐無虛設。埋單價$121。

第一次黎食晚飯，叫左個貴既龍蝦宴，一個字形容好鬼差，除左魚，其他食物都唔夠熱，未去到難食，但唔駛錢我先會黎食lor,侍應夠晒多但冇人會理你，最正係黎到第4碟菜佢竟然夠膽上甜品，O晒咀

記得以前細個去仍然是沙田畫坊，是海上的畫坊位置在沙田海，依稀記得坐在酒樓會有浮下浮下的感覺，但80年代結業了，跟著就有敦煌畫舫，是一座仿古設計石舫，不像從前是真船了。很多年未再光顧，現已改名為明星海鮮坊了。電話訂座時酒樓已提醒升降機維修暫停使用，酒樓有3層如要上樓要行樓梯，為了遷就老人家行動不便，所以11:30就先攞枱，可以分配到地下一層知道2樓大堂有一套仿製龍紋寶座佈置，專程到樓上參觀，天花板亦有一對龍鳳。點心都很不錯，鴛鴦炒飯味道雖好但嫌飯太少汁太多，6個人食埋單$475，每人$80，好抵食。

花先生約左朋友lunch，想飲茶但又無訂位，咁就去明星海鮮舫啦，因為通常都有位。依間餐廳飲過茶，晚飯都食過，坦白講，食物就一般般啦，未至於唔好食，但又唔係好食個啲囉，你明既⋯⋯今次想記底既唔係佢地既食物，而係環境同衛生！上到一樓，我地被安排坐近backdrop個邊啦。去過既都知道餐廳裡面係好殘舊，個backdrop都有啲封塵，依個都不是重點！食食下，有個穿白色恤衫既男人（疑似經理）不斷搬我地周邊既凳，然後叫其他人掃地⋯⋯ what？我地食緊野，你係我隔離掃地？啲塵會唔會飛到周圍係呢？然後，阿經理就不斷推啲間房既板，砰砰嘭嘭！完全感覺到啲塵係充滿成個空間囉！最後佢係間左間房，而我地係唯一一枱客係依間「房」。其實如果知道會間房，就唔應該安排客人坐個邊既位置！我地剛去到既時候係見到有其他吉枱架！完全無考慮過食客感受，衛生意識勁低！免得過都唔會再黎！我唔想食塵！

可能臨近中秋，晚市沒有特價海鮮，如果食的話比平日貴最少一倍，所以今日食普通中菜一樣，連今日連果盤都冇得送，好彩帶蛋糕去，唔駛收切餠費。但整體感覺性價比低，椒鹽鮮魷，魷魚冇海鮮味丶肉鬆四季豆，味道ok,但偏咸，一定要送飯食。海皇一品煲，珊瑚丰夠爽，但d豆腐好似有點變壞，燒味雙併，standand,不過不失。最後，條蒸龍躉沙斑好好味，時間啱啱好，蒸得好滑，所以去明星最好還是食海鮮。今日冇乜點海鮮，埋單都要$900，下次臨近過時過節都咪去。

細細個已經聽過明星海鮮舫，係香港其中一個有特色既地方，因為佢係城門河旁邊，遠睇就好似一艘船咁，可以係船上一邊用餐，一邊欣賞河畔美景。今日終於得償所願，晨早9點去飲早茶。係大門口望入去，感覺係好舊，畢竟始終都有十幾年既歷史。開頭以為呢度所有食物應該會好貴，但又唔係喎！早市最平11.8就有交易，仲有優惠雙併點心，價格同出面其他茶樓差唔多。可能星期一平日，茶客比較小既關係，只係開左一樓茗茶，二同三樓都冇開。呢度早茶應該都係做開街坊生意，本身諗住咁早應該有窗口位坐，可以望住城門河嘆茶，點知已經坐滿哂客不過唔緊要啦～試下食物水準先一行兩人，等侍應執好左枱我地就坐底，點知一睇⋯d碗碟崩既，再唔係就污糟既⋯仲要真係崩得好離譜⋯唯有叫侍應幫我地換過套⋯但換既只係換套冇咁崩⋯其實崩到咁都真係唔應該仲拎出黎招呼客人，始終危險，有機會𠝹到手，或者用碗食野會𠝹到口，特別係在場有好多公公婆婆飲早茶。而之後叫既點心，當然個碟或者碗都係崩既。希望海鮮舫可以改善下呢點黎到食物方面牛肉球夠大粒彈牙，食落新鮮，加埋喼汁，好味呀！豉汁鳳爪，個蒸籠好大⋯賣相一般⋯一上枱d汁已經飛到成個碟都係⋯味道不過不失，合格。流沙奶黃包，

每隔一至兩個月，總要去食一食。一直以為連鎖海樓食物好standard,但沙田的明星海鮮舫係唔同的。灼🦐，大大隻，仲隻隻鮮甜龍蝦，厚肉又爽口元貝，成隻手掌咁大，蒜蓉粉絲蒸，食到😋😋😋聖子，係新鮮既，不過蒸得耐左少少，有少少"un"乳鴿，麻麻，太瘦同有番炸之嫌最後，無論叫唔叫餐，都會按人頭送不同size的果盤，認真抵👍🏻有揸車既，車只須泊門外，十分方便。所以，以後食海鮮，唔駛下下去西貢和鯉魚門既，明星畫舫一樣好好味😘

難得假日可以訓到自然醒, 就揾個地方嘆個靚茶啦! 因為帶住揾食 B 出動, 所以要揾個坐得舒服又唔洗等位嘅茶樓, 靈機一觸就黎到明星海鮮舫喇! 由於位置比較格薛, 即使假日人流也不算很多。這座樓高 3 層, 外型像一艘巨型船隻的中式茶樓, 裝修典雅。這裡假日也有下午茶優惠 (2 點後入座), 我們到達時剛好過了 2 點, 不用等候便可安排入座, 感覺不錯!這裡的點心款式頗多, 價格亦不貴, 我們共點選了 9 款點心及粉麵等。這次咸甜點心各佔一半, 首先上的是陳皮紅豆沙 ($9.8), 雖然次序好像倒轉了, 不過不緊要, 先吃甜也不錯丫, 心情好一半先! 很喜歡紅豆沙煮得夠沙, 紅豆夠腍, 甜度適中, 亦帶有陳皮香, 不錯的呢!之後再上的也是甜點 - 炸紫薯地瓜丸 ($22.8), 這個紫薯波波超! 好! 吃! 一客 4 粒, 剛好我們夠分每人一粒, 新鮮炸起, 外形圓碌碌金黃色, 雖然是炸物, 但吃下去一點也不油膩, 甜而不漏! 咬開中間是紫薯夾心, 超讚! 這款將會是今後必點之一!同時, 燒肉瀨粉 ($20.8)也到了, 以這個價格來說很抵食, 一碗共有 7 塊燒肉, 瀨粉也滿滿一碗

片皮鸭三隻當一碟，又冇京葱，加苦瓜得4片。泊車優惠要收8蚊一個鐘，仲要泊2個鐘，要比3個鐘$,正一大騙子，以後不會再來! 從來未食過咁差的酒樓，服務差，冇質素。不知所謂。食到一肚氣，不會再幫襯。

平時喺呢度飲茶就飲得多啦，見到佢有啲特價套餐咁就搵一晚嚟試吓啦。今晚個朋友得閑，咁就睇下有啲咩特價優惠。見到有魚、蝦、蟹、鮑魚都有優惠，咁我哋兩個人冇可能食得晒咁多咁我哋就挑選左幾款你試吓。我哋上次喺石門都食過片係呀今次就試吓呢一間嘅片皮鴨同石門有咩分別啊。片皮鴨，顧名思義就係食個鴨嘅皮，鴨一上枱，就見到有三行中間嘅位置係嘅皮，兩邊就係肉嘅比例會多少少，但係佢所謂嘅片皮鴨其實同食鴨肉係冇乜分別即係可以咁講佢做優惠＄78就係將價就貨。個乳豬拼盤落單嗰陣時問職員乳豬會跟啲乜嘢做評判，個職員就同我地講話睇吓燒味譜有啲乜嘢就會陪啲乜嘢就冇指定嘅菜式。一想到枱見到有叉燒小鴨海蜇雞配款。其實除咗個乳豬果皮仲係脆脆地之外，其他嗰啲叉燒雞小鴨同海蜇食落去都好像不太新鮮，肉質有些梅，一般般的菜色。至於呢個海中蝦，每張＄96同街市嘅價錢差唔多，不過食落都好驚喜。啲蝦食落去好新鮮好爽口，已經好好味呢個可以食得一食至於呢個粉絲扇貝， ＄68有四隻，真係好過係屋企自己煮。個先輩個質地都唔錯，尚算新鮮呢個真係抵食最後上枱嘅就係呢條沙巴魚， 等左差不多九個字正埋上枱，呢個月嘅肉質都算係新鮮食落去係應該係游水魚＄10

星期日朝早9點45分到, 同幾年前相比, 而家要喺樓下拎左飛等叫號碼先, 好彩等左15分鐘就有位。一入去, 見到其實入面好多空位, 都唔知點解前台唔安排即刻入座。芋頭糕 - 煎得幾香，可惜五香粉太重，食唔到芋頭味叉燒酥（已經咬左一半）- 通常酒樓既叉燒酥都係凍上，佢仲係熱既，好食水魷牛百葉生菜底 - 麻麻地，滾水碌一碌就上，無味。魚腩粥 - 雖然影唔到有魚腩，但係魚腩粥黎既。魚腩都算多同新鮮，可惜個粥底太杰，not my favorite。鮮蝦腐皮卷 - 有驚喜，腐皮非常脆，可能啱啱炸起，個底無咩油。正潮洲粉果 - 大路野，中規中矩啦生煎包 - 聽講生煎包係包牛肉先好食，不過呢個都唔差，咬落去有肉汁，個包又唔算厚。豬肉燒賣 - 朋友話肥肉太多，我就覺得味精太重，d豬肉味太突出，多到有d假。

午茶就睇倒片皮鴨推介 特發其想 就晚餐試試致電訂位 女侍應回應直接過來就要仲話片皮鴨冇得訂 有就有冇就冇 但未試冇 lor ... 佢話 其實冇期望 因在“深水埗分店“食過很差......開半個場 唔多客 坐窗邊服務冇乜 叫都有即彩嘅有啲侍應企一邊打機講電話片皮鴨1只~ 閒日優惠 $68 假日$782食加 $50 涼瓜炆鴨件 以前會喺枱晒 邊睇住廚師片鴨而家就片好直接上枱大大片鴨片 脆皮肉嫩油香都有20片嘅 食咗先......夠唔夠1隻就要研究研究麼麼~薄薄地 夠熱 放耐咗都仲柔軟配菜~只有干干地嘅青瓜 冇大蔥 失分要番壳就要加$30上湯龍虾伊麵~ 單叫 $168 双併$198最正係龍虾開邊上 新鮮 唔駛碎上搵唔倒嚿肉上湯伊麵 味濃 食咗有啲口干蒸鮑魚~ 蒸倉魚~ 好功夫 岩岩好蒸魚豉油 色靚味鮮 咸淡恰到好處欖菜肉碎四季豆~ 份量夠大 夠鑊氣 豆夠林飯後有送~幾片切定嘅生菓但“停車“ 就冇全免

今年屋企食團年飯就選擇左係呢度食，沙田其中一個地標，入去食飯好似好有氣派禁，應該會係一家人做節既好地方。除左屋企既小朋友好耐無黎過呢隻船食野(當然呢隻船已經係固定左係一個位好耐)，會覺得新奇之外，就係睇中左明星推出既晚市優惠，想食海鮮，又平平地但有質素既，真係誠意推介呢度👍🏿-->片皮鴨，肉多半肥瘦，配埋青瓜加醬汁，當然重有塊皮，$108 呢個價位，直頭滿分啦！ (出面d明星分店好似$78就有交易添)-->蒜蓉粉絲蒸扇貝，大大隻，肉質新鮮，適量粉絲，無記錯既話，$68就有4隻。。真係唔知邊度搵，無得頂。-->明星小炒王，呢個菜同當晚其他菜相比，其實無咩特別，因為都係想食多少少蔬菜，呢個又幾得意禁😌-->薑蔥焗廣島蠔，呢個菜小編都好鐘意食，除夠香口之外，本身都好岩鐘意食蠔既朋友啦當然！不過呢度個蠔都幾得意，佢真係原隻廣島蠔，似係筒蠔果隻，原隻整上碟，因為通常出面酒樓都係細隻d，或者分細d禁上既，所以呢度都幾特別當然，好唔好食就唔洗多講啦😋-->清蒸大魚一條，都好食既，不過小編就覺得佢可能蒸得過火左d，肉質孩身都小小，不過整體可以👍🏿👍🏿-->

炸両用呢啲屎忽碟上叫做有啲賣相啦，腸粉皮都幾滑，不過茶樓炸両唔脆經已有心理準備。蒸魚肚大大碟，雖則都好似要頂點，不過真係堅大，魚肚入哂味，完全滿足哂魚肚控既我同胖侶。排骨飯賣相好似好多餸咁，實情係佢將啲排骨切到碎濕濕，再夾雜一啲相同大小嘅芋頭粒係入面，雖然將排骨切到咁細粒確實係方便到老人家食之餘又見食啲，不過就有啲搵笨既感覺囉。再不過，黎呢度都係為左探吓個臭河景姐。