羲和小館 (已結業)

唔系第一次食，已经食咗四五次，呢间餐厅嘅特色就系「上菜好慢」「上菜好慢」「上菜好慢」，重要嘅说话要讲三次，真系忍唔住要写食评！我哋12:49落单，13:15先上第一道菜，足足等咗26分钟先有得食，之后食完哂，手机落单叫咗一个汤圆做甜品，等咗20分钟都仲未嚟，请问两粒汤圆要整咁耐？最后我忍唔住催下个职员，反映完隔咗1分钟就有，点解系要踢一脚先郁？慢呢个问题唔系第一次，我睇吓呢间餐厅嘅食评普遍嘅人都话上菜好慢，呢间餐厅都开咗一段时间，点解咁耐都仲未改善到？佢嘅食物质素系好食嘅，但系慢呢个问题如果唔解决，我唔会再去。总结就系如果你好多时间，可以慢慢等，又唔系好肚饿，咁你可以考虑吓入去食。咁慢仲要收我$30服务费？仲要手机落单。