京都

营业中

休息中

本身谂住食萨利亚，但真系太多人等劲耐。所以就走左去食京都啦。呢间店睇价钱都可以，而且都几多大排晒队咁就等下啦。入面都几大下，所以唔驶一阵就入得啦。叫左两样野，一样系「角切鱼生饭定食」同「牛肉火锅定食」。本身对佢个鱼生饭定食都无抱太大期望，始终$69唔算话好贵。不过上菜果阵见到都真系几大碟，性价比都几高下。而且鱼生并唔系铺面果层，真系都几多几丰富下。食落都几啖啖肉，大大件下。同想象中既细细粒成反比。质素都过得去啦，要求佢系上乘肉质就无可能架啦。不过以68蚊黎讲真系抵食夹大件既，而且质素都唔算太差，就好似真鲜果d咁。个人觉得唔错既。真系啖啖肉，下次黎应该都会再点黎食。唔错～餐厅既上菜速度真系好高，一阵个火锅就上得。首先要讲既系个蛋唔系日本蛋，所以一定要熟先好食呀。个火锅都几足料下，基本上一般应该有既佢都有，你谂唔到既佢亦有😂😂😂 佢仲有成棵青菜系个锅度。料就真系唔算少架啦。而且我觉得佢个汤底都几甜，好食过吉野家果个汤底。熟左再将个蛋打埋落去等个蛋混合埋汤底度真系好正。佢个手打乌冬就麻麻啦，唔太弹牙，淋淋地。so far都几好食既。唯一唔满意系个价钱罗，要88蚊，睇食评佢之前都系68🤔🤔🤔