EAT ME Bar & Restaurant (已結業)

星期五晚上泥食，预左会多人，好彩事前喺openrice book定枱，唔洗攞筹。满心欢喜叫左个二人餐。等左20分钟先上餐汤，只需倒啲汤入个碗度都可以用20分钟？再等多10分钟，终于上小食拼盘喇。肠同薯条只系微暖，得炸鱼系热嘅。唔通炸野系得一个锅，要续样炸？ 都系啲现成野食，味道同一般嘅无异 ~泥左小食好快就上T骨排。见到好大块，好有眼福。。。但明明侍应哥哥问要薯仔定意粉，明明都讲左要意粉，点解最后都系泥薯仔？侍应哥哥都有问牛排几多成熟，讲左要5成熟。但牛排薄到得3mm厚左右，谈何几成熟？肉质冧到唔合逻辑，一系本身旧肉唔靓，一系就落好多松肉粉。无肉味。再等多5分钟，个意粉终于泥喇。味道上中规中矩，无突破，不过都比牛排好食。意粉有点煮唔熟，同埋落左过多olive oil食到成口油。一餐最好食都系得Movenpick雪糕。总括而言，可以用一个字描述：差。