富臨酒家 (燒鵝大王) (已結業)

第一次写食评，对呢间餐厅失望至极！今晚同屋企人食生日饭兼做节，6点9去到，7个人叫左$1888 8人套餐再另叫烧鹅。7:30先上乳猪拼盘同烧鹅，拼盘细到喊，每样得几件，乳猪干争争。烧鹅半只都系得层皮。之后再等半个钟，一样𩠌都无黎上，三催四请都未有，想cut单走人又唔理我地！到8:30先上到翅，等都等到饱左，食两啖之后都食唔落，陆续上鱼呀菜呀，最后上左一碟虾球先最激气，咁大个集团居然会炒出一碟好似倒泻左求其摆埋一碟既𩠌，隔离枱一模一样既𩠌，但摆盘靓过我地呢枱。激鬼气一肚火，唔食埋单！埋单个收银仲发我地脾气，叫佢比张单我地对，佢居然话咁佢都要张单对数架，真系唔洗旨意我地再帮衬！