沖繩二段料理 (大本型)

营业中

休息中

商场之前开咗间新嘅餐厅「冲绳二段料理」，仲未有机会试。星期六系同层顺丰速运拎件，见唔系好多人等位，望望餐牌，款式都算多选择，价钱亦可接受。等咗5分钟就入得喇～ 但落完order之后，等咗成20分钟，追左2次先至有，时间上比较耐。岩盐鸡炊饭 (芝士浓蕃茄) $56 - 主菜同炊饭系分开上，主菜用蒸笼装住，里面有岩盐鸡、南瓜、杂菌、粟米粒同芽菜。岩盐鸡就比较逊色，味道偏淡，食唔出有岩盐。相反番茄饭就唔错，番茄味浓，带点微酸。将芝士同饭捞埋一齐，仲有芝士拉丝。汉堡扒野菜豆腐炊饭 (柚子寿喜烧) $72 - 主菜同样同炊饭分开上，里面有汉堡扒、南瓜、杂菌、豆腐同芽菜。汉堡扒超厚，做得唔错，咬开超多肉汁。柚子寿喜烧个汁都相当特别，味道好似平时饮嘅柚子蜜，甜甜地仲有浓浓柚子味，估唔到味道又几夹。