佐賀燒肉谷 (大鴻輝(荃灣)中心) (已結業)

第一次惠顾此店，庆祝三日假期圆满结束，我最近食烧肉或者放题都系拣有分店同集团的，谂住质素应该有保证，点知相反。。。7:00时落单app上已经有部份菜式写住售罄，而且肉类要一片一片在app order，每次送单最多10片，极其麻烦。牛肉落单半个钟后都未到，三番四次追侍应才回应出紧，此情况不只我们这一枱，也听到隔篱枱客人也在追上菜。小菜锅物更加一个钟后才来到，例如蚬肉味噌汤、豆腐锅，味道真系好差，只系有味嘅水沟埋一齐。雪浓锅的汤亦见不到图片的奶白色，全部魔物好似煮完菜剩低嘅水咁。味噌汤来到已经见到味噌同水系分开咗两层，蚬肉得一只，当然个汤系冇蚬味。虽然菜单上仲有其他锅物，但我已经冇信心食。自助吧的甜品亦只有几款，完全唔吸引，以后唔会再食呢间。我因为钟意食海鲜，所以拣咗有海鲜的套餐，全部价钱$318起，但青口烧完缩水到完全冇味，墨鱼仔烧完之后系硬的，只有几款选择。价钱方面，$318-$4xx起觉得小贵，也不像日式放题一样$2xx就包清酒，对此店已经完全失望，希望其他食客小心选择。