Are U Labeler

营业中

休息中

食饭时间系街到见到间装修得好特别既餐厅，佢有分露天同室内，咁热我地梗系坐室内啦。我地叫左Allday breakfast，入面有黑松露炒蛋，肠，蕃茄，牛角包，茄汁豆，烟肉，沙律菜。每样两件，岩哂我同朋友撑枱脚。未食都闻到个炒蛋黑松味好浓，而沙律重有火箭菜，好健康。个烟肉真系要赞下，juicy得黎唔会好油。我地重叫左黑松露杂菌意粉。因为个意粉系加埋黑松露落去炒，所以相比起个炒蛋(就咁加左系上面)就无咁浓。份意粉就咁睇得磨菇同草菇，但味道都几浓下。由于系晚餐，我地就无叫到咖啡，之后先知原来可以加钱拉花，重有3d拉花，下次再试。我地叫左玫瑰梳打同Blue curacao lime tea(佢叫蓝柑梳打，唔知有无打错名，都系比英文好啲)。除左要影下杯野饮厄like之外(好少女)，杯玫瑰梳打饮落较甜再加埋佢落左几粒荔枝，饮落有少少花味又有啲似果汁汽水。而杯蓝柑梳打饮落就无咩味，笃下啲青柠会好啲。上网揾blue curacao系一种酒，但我谂佢只系落左蓝柑糖浆。