譚仔三哥米線 (富盛大廈)

营业中

休息中

一个平日既下午一点半，呢间三哥廿几张枱坐满左考完试既中学生。揾餐晏仔入黎为左食个快饭，唔洗点谂就叫左一碗鸡肉米线麻辣五小辣，加杯冻柠茶，例牌要小甜。无耐先到既系餐饮，都跟左五六块柠檬架，比普通茶记既多，可能系要加7蚊咁多既关系啦。茶味正常，唔会太苦涩，饮落爽口，饮左几啖会面就上到。一如既往，沾住麻辣红油既汤底上面铺住满满既鸡肉，麻香气扑鼻引发食欲，黎三哥就系为左食呢种带咸香既麻辣味。面既份量相当充足，胃口唔大既人都好应该叫少米，唔会浪费之余仲可以平一蚊添。一片鸡肉，一口米线，一啖柠茶，四十蚊有找就轻松填饱肚，一阵阵酥麻既感觉为平庸既生活带黎一点刺激，简简单单就一餐。