心滿意粥

营业中

休息中

唔同嘅花有唔同嘅花语，好似代表浪漫嘅玫瑰、优雅嘅郁金香、脱俗嘅百合…咁代表幸福嘅花呢？相信只要喺重要嘅节日收花，就已经非常幸福啦！至于讲到幸福嘅食物，好自然就会谂起一碗软绵香滑嘅粥。嚟到坚尼地城嘅心满意粥，幸福由一碗粥出发！白糖糕白糖糕完全无酸味，味道清甜，甜而不腻。至于白糖糕呈一丝丝和蜂巢状，口感爽滑弹牙。回味炸两坚尼地城嘅心满意粥，除咗粥底之外，肠粉亦系佢哋嘅代表作！肠粉即叫即蒸，所以等候时间较耐，但呢个等待绝对值得。肠粉非常滑溜，加上香脆嘅油炸鬼，口感形成强烈嘅对比，加埋甜酱同麻酱嘅混酱，味道充满层次呢！生滚肉片滑鸡粥滑鸡一啲都唔肥，所以粥面上唔会有一层油，而且完全无碎骨，尽显师傅斩鸡嘅功架。肉片同滑鸡嘅份量非常多，粥底除咗软绵香滑之外，粥底带有肉香，好有层次！