影片
更多
2015-08-21
754 浏览
依家嘅咖啡店，越开越有个性，再唔喺𠮶三几间连锁店所垄断，而且，开到好似更有一间晌左近咁，真喺咖啡迷嘅福气。其实，身边有唔少朋友都唔喺咖啡之友，但就一样喜欢上咖啡店，因为，不少咖啡店嘅甜点或咸点一样精采。最近，就到访位处湾仔玩具街（太原街），却近皇东嘅La Station Hong Kong，好好享受咗一顿美味轻食。因为屈咗入内街，令小店更多添一份宁静。走入店内嘅第一印象就喺犹如身处欧洲火车站嘅感觉，因为拱形天花、白瓷砖、波形吊灯、欧陆风地砖，以及印咗饮品嘅火车时刻表，果真极尽心思，亦都好易带出依个感觉，怪不之得，名字就叫做La Station，就让小弟幻想吓等紧下班火车，趁空档嚟叹番一杯香浓咖啡！店员仲话近门口嘅一边墙同柱位用上红色纸皮石，喺以中环站为蓝本，怪唔之得另一边墙上仲做咗个港铁路线图嘅铜管灯牌，甚具玩味，有趣。稍稍睇吓食物有咩拣，虽然店铺细细，但选择都唔少，有三文治、牛角包、蛋批、蛋糕……等等，而饮品方面，一大个「火车时刻表」睇晒，咖啡、茶、鲜果汁、思慕雪……等多款。见到啲长条蛋糕（Loaf Cake）嘅口味有啲似曾相识，再见到胶盒嘅白色印字，同埋佢哋摆放咗Paul Lafa
走入店内嘅第一印象就喺犹如身处欧洲火车站嘅感觉，因为拱形天花、白瓷砖、波形吊灯、欧陆风地砖，以及印咗饮品嘅火车时刻表，果真极尽心思，亦都好易带出依个感觉，怪不之得，名字就叫做La Station，就让小弟幻想吓等紧下班火车，趁空档嚟叹番一杯香浓咖啡！
店员仲话近门口嘅一边墙同柱位用上红色纸皮石，喺以中环站为蓝本，怪唔之得另一边墙上仲做咗个港铁路线图嘅铜管灯牌，甚具玩味，有趣。
稍稍睇吓食物有咩拣，虽然店铺细细，但选择都唔少，有三文治、牛角包、蛋批、蛋糕……等等，而饮品方面，一大个「火车时刻表」睇晒，咖啡、茶、鲜果汁、思慕雪……等多款。
见到啲长条蛋糕（Loaf Cake）嘅口味有啲似曾相识，再见到胶盒嘅白色印字，同埋佢哋摆放咗Paul Lafayet嘅月饼宣传单张，再八吓问问店员，原来La Station Hong Kong可以话喺Paul Lafayet嘅姊妹店，后者众所周知主打喺卖法式甜点，而前者就以咖啡、轻食、三文治作招徕。再倾多几句，原来，亦有卖部份Paul Lafayet嘅甜品。所以，La Station Hong Kong可以称得上有个强大「后盾」作支援，再者，以Paul Lafayet嘅名义，La Station Hong Kong嘅出品变得更有保证。
Ham and Cheese Cake $30通常望见咁嘅外型，都会觉得喺一件甜嘅蛋糕多，但依一款混入芝士及咸火腿粒嘅蛋糕，入口感觉好得意。佢都喺属于长条蛋糕嘅一类，口感比较实净啲，感觉较饱肚，唔会食完得阵风，入口咸咸甜甜，微微芝士香，偶尔咬到咸香嘅火腿粒，都几OK嘅。若果你喺想食松软、富弹力嘅海绵蛋糕，长条蛋糕未必喺你杯茶！
Ham and Cheese Cake
$30
31 浏览
0 赞好
0 留言
Lemon Cake $25再试埋另一款较传统嘅长条蛋糕：Lemon Cake，质感同样实净，食落肚好有实在感，而入口清新嘅柠檬香味慢慢渗出，带点酸酸甜甜嘅感觉。衬上一杯醇香嘅咖啡嚟配搭，效果绝对不错。
Lemon Cake
$25
54 浏览
0 赞好
0 留言
法式蛋批感觉上晌香港好似唔喺好流行，之前曾晌中环嘅「咖啡・民馆」试过，非常好食，印象深刻，今次晌度重遇，当然要细心品尝。蛋批烘得金黄，面层带点焦香，边位非常酥脆，然而馅心柔软而富蛋香，再者，内里混和半溶嘅芝士及咸香嘅火腿，整体都甚有水准。
Ham and Cheese Quiche
$40
87 浏览
0 赞好
0 留言
Rose Latte $45鲜奶咖啡一向喺小弟偏爱，所以，试一试带玫瑰花香嘅Rose Latte，估唔到真喺几好饮㖞。个心形拉花拉得细致，有个好印象，自不然对杯咖啡都多咗信心，唔使加糖，更加唔使搅，饮落好香好滑，细腻平衡，微微嘅玫瑰花味，唔会太抢，所以，杯Rose Latte甚得小弟欢心。
Rose Latte
$45
30 浏览
0 赞好
0 留言
Smoothie有餐厅译沙冰，小弟就钟意用另一个较少人用嘅译名「思慕雪」，因为有音译嘅效果，又译得有意思。唔喺店员讲，都唔知喺沟咁多嘢，又意式浓缩咖啡（espresso）、又有蜜糖、鲜奶，当然唔少得香蕉，冰粒，打埋一齐，入口冰凉香滑，咖啡同香蕉味都够平衡。
Banana Coffee Smoothie
$45
25 浏览
0 赞好
0 留言
张贴
