小豆町日本料理

营业中

休息中

返工心很累，今次完全唔想去远啲既地方食饭，所以想同老豆去近近地既餐厅食就算，咁岩附近有想食既日本餐厅就约老豆系蓝地等啦。餐厅电视播住孤独的美食家，岩哂开餐😋 前菜叫左杂锦刺身沙律，入面有牛油果mix 埋三文鱼同油甘鱼，刺身量多又够fresh，自己又可以食多啲菜，健康之选。小食就拣左鸡泡鱼干，出面好多都系配沙律酱，但我都系钟意用少少柠檬汁，鱼干带甜，加上🍋酸酸地好开胃，下酒一流。特上寿司一共8件，有齐池鱼、章红鱼同油甘鱼等，自己prefer 池鱼同油甘鱼，油脂够厚但唔会腻，本身个刺身已经够哂新鲜，唔使豉油黎提鲜，又会带好重腥味。盐烧三文鱼腩寿司上面烧一烧带出点焦香，里面油脂丰富。最尾老豆叫左个蒲烧鳗鱼饭，鳗鱼够厚肉，蒲烧汁最岩送饭，食落鱼肉嫩滑细致唔嚡口。