Cafe Je T'aime (已結業)

系水货客嘅世界中都依然有宁静嘅一间cafe门口有特色嘅旧式梳化，入边墙身画满法国巴黎情怀特色的画，播住悠闲音乐，系下午嘅好去处。今次叫左热情果cheese cake, 三文鱼炒蛋三文治同earl grey tea。热情果cheese cake 好特别，cheese cake 味道好出，芝士味浓郁，热情果嘅配合令到食cheese cake 唔会济，一口气就吃掉了。甜酸嘅热情果酱配起cheese cake 系意想不到嘅好食。三文鱼炒蛋三文治分量算大，入边嘅三文鱼同蛋都足料。蛋炒得几滑同香，而面包睇落无乜野，但吃落系脆的，几香口。最后earl grey tea 不过不失，甘味唔算好重。系花茶杯令人赏心悦目，饮落都特别愉快。上水黎讲呢间cafe 系几好嘅一个选择。