影片
更多
2019-05-06
746 浏览
今日同友人两个人黎食烤鱼工房，星期日既下午三点钟竟然都唔算好多人，三点到六点仲有配菜任食添!呢度净系鱼都有四款畀你拣，有最常见嘅桂花鱼、 鲈鱼、江团鱼， 仲有款唔记得咗 辣嘅汤底一样选择有好多， 包括推介嘅毛血旺麻辣、泡椒、小青椒， 唔食辣嘅都有得拣酸菜鱼， 仲有个唔知豆豉乜乜乜 😂 除咗鱼之外呢度仲有串烧同埋小食。 两个人叫咗一条江团鱼， 配毛血旺麻辣汤， 因为喺之前拎咗网上优惠券， 所以有多个鸡丝麻辣凉面， 我哋仲叫多咗个羊肉串 同埋 秘制烤馒头片! 最后因为食辣嘅关系所以一定要叫野饮，叫左一杯水果茶share 首先 上菜嘅系羊肉串， 好香孜然粉味， 而且唔会烧到好干，仲有啲肉汁 之后系秘制馒头片， 我本身以为又系孜然味， 点知原来系蜜糖! 唔系用普通嘅白馒头而系鸡蛋馒头，切片加蜜糖烧到外面脆脆地，真系好惊喜! 我下次BBQ都一定会带馒头去 😂😂 然后系送嘅麻辣鸡丝凉面， 话明凉面当然系冻㗎啦 ~ 有少少酸酸地，加咗青瓜丝感觉都几清爽~ 如果夏天就咁黎食个凉面当一餐 都几好呀 😋主角要嚟啦! 劲大盘鱼终于上菜， 等咗一阵已经煲到bobo声食得! 虽然一上菜见到啲辣椒油， 个心真系
呢度净系鱼都有四款畀你拣，有最常见嘅桂花鱼、 鲈鱼、江团鱼， 仲有款唔记得咗 辣嘅汤底一样选择有好多， 包括推介嘅毛血旺麻辣、泡椒、小青椒， 唔食辣嘅都有得拣酸菜鱼， 仲有个唔知豆豉乜乜乜 😂 除咗鱼之外呢度仲有串烧同埋小食。 两个人叫咗一条江团鱼， 配毛血旺麻辣汤， 因为喺之前拎咗网上优惠券， 所以有多个鸡丝麻辣凉面， 我哋仲叫多咗个羊肉串 同埋 秘制烤馒头片! 最后因为食辣嘅关系所以一定要叫野饮，叫左一杯水果茶share
首先 上菜嘅系羊肉串， 好香孜然粉味， 而且唔会烧到好干，仲有啲肉汁 之后系秘制馒头片， 我本身以为又系孜然味， 点知原来系蜜糖! 唔系用普通嘅白馒头而系鸡蛋馒头，切片加蜜糖烧到外面脆脆地，真系好惊喜! 我下次BBQ都一定会带馒头去 😂😂 然后系送嘅麻辣鸡丝凉面， 话明凉面当然系冻㗎啦 ~ 有少少酸酸地，加咗青瓜丝感觉都几清爽~ 如果夏天就咁黎食个凉面当一餐 都几好呀 😋
主角要嚟啦! 劲大盘鱼终于上菜， 等咗一阵已经煲到bobo声食得! 虽然一上菜见到啲辣椒油， 个心真系离一离， 但其实食落又唔算好辣， 如果煲煲下觉得越嚟越辣， 可以叫佢加清汤~ 讲返条鱼， 因为系烤过先放入去煲， 所以唔会散， 而且有烧过既香味! 我最钟意食边边位烧到少少焦𠮶啲鱼肉 好香口 😋 鱼背鱼腩个啲位就啖啖肉，江团鱼都好滑 而且肉好厚，无选择错呢!
配菜方面因为任食， 我哋贪心地叫咗木耳、 莴笋、 薯仔、 宽粉同埋金菇 😂 我第一次食莴笋， 莴笋煲完之后都系好多汁， 又唔会好似金菇咁变到好辣， 保留到自己嘅味道，几出色 😎 其实盘鱼入面仲会有牛柏叶、餐肉等等既配菜，一定够食架啦!
其实啲配菜都讲紧16蚊一个， 叫四五个配菜 就差咗成七八十蚊，而且午市冇咁多人， 周末约朋友嚟食个late lunch，都好不错喔～
P.S. 水果茶入面有橙 热情果 椰果， 超级大杯， 我哋两个人一路食辣一路饮， 都觉得份量好足够
秘制烤馒头片
$13
54 浏览
0 赞好
0 留言
毛血旺麻辣江团鱼
$308
52 浏览
0 赞好
0 留言
水果茶
$39
32 浏览
0 赞好
0 留言
张贴
