薈麵館

营业中

休息中

下午3点黎到人客唔多，大概忙完午市的一轮。店员安排我地坐卡位，卡位枱坐得舒适，可以慢慢啖茶了。餐厅装修具中国风，见到有鸟笼同茶壶装饰，色调用上绿色，整个布置好靓！下午茶餐好抵呀，自选一款粥面加饮品/甜品等，哩个价钱好实惠！见到有多款点心哦～最中意食点心嫁喇！叫左个下午茶餐，鲜虾云吞汤河，有五大粒云吞，粒粒料都好多，鲜虾爽口，汤底都几清甜，河粉煮得刚好唔会煮到断晒，正！鲜虾肠粉 $38淋上特制酱油，肠粉皮薄爽口，虾肉都系好大只同爽口，有粒粒甜粟，好味！鲜虾饺 $38四粒虾饺都好大粒，虾肉新鲜爽口，调味刚好，好味道！北菇牛肉球 $32牛肉球加埋冬菇好足料，牛肉新鲜，淋上喼汁，连腐皮都好食呀！蟹籽烧卖王 $38食点心又点少得烧卖呢～烧卖肉爽，有埋蟹籽更加爽口，调味都岩岩好！下午茶餐跟餐拣左清润雪耳炖木瓜，好滋润既甜品，个人好中意食流质既中式甜品，好好味！椰汁马豆糕 $22$22有四件都几抵，椰汁味好浓，黄豆未算好林有咬口，冰冻清甜食完好饱。