Mango Tree

营业中

休息中

前排得闲食咗佢个398 两人嘅下午茶，质素一般。前菜个鲍鱼沙律就几好食嘅，酸酸甜甜咁，仲有啲鱼露味，但𠮶两只鲍鱼就真系好细只，略显寒酸，情愿佢用其他嘢取代。个椒盐虾就generally ok 嘅，但卖相就一般，个头有啲发黑，同埋食落都唔太新鲜，但个味系好食嘅。下面啲生菜都爽脆。而个咖哩面包都系ok 嘅，好似其他泰国餐厅咁，但个包就略嫌硬，青口正常，上面啲疑似蟹肉嘅嘢都正常。鸭包卷又系正常普普通通。香茅鸡翼同串烧猪肉个味道都ok ，一般泰国餐厅质素。啲甜品都正正常常，唯独个丸子好似变变地，闻落系有阵乳酪味，不过食完都冇肚痛嘅另外个环境望落就几靓，但张枱黐立立，几次郁个杯都差啲搞到好反，呢啲咁简单嘅应该做好啲。冷气机又滴水，搞到个感觉好差。啲staff 又成日喺度收野一食完一点就即刻过嚟收，明明张枱仲有好多位今晚好干扰食𠮶阵时嘅感觉。总体而言就好食物环境都一般，可能一开始睇到个环境期望太高，但实际上同一般九龙城𠮶啲泰国餐厅差唔多，唯独系杯嘢饮比较特别，情愿去返𠮶啲食仲平啲。