皇茶冰室 (已結業)

朋友相约荃湾度食饭，自己一早出咗去喺荃湾度行一阵街先， 去到下午茶时间梗系要揾嘢食， 一个人都唔知食咩好， 最后选择去茶记解决。我点了招牌芝士流心西多士下午茶餐， 坐低一阵就落单 ，冇谂过咁快就到， 用咗短短嘅十分钟就上枱， 厨房做嘢都几快手， 外表同传统嘅西多士冇咩分别 ，都系牛油炼奶糖浆啲例牌嘢， 外表炸到金黄色， 用刀一切开， 就发现精髓所在 ，芝士流心名不虚传， 切开已经流出来， 食落口外脆内软，芝味甚浓， 估唔到西多士夹芝士， 都有咁出色嘅效果。饮品方面点了龙凤柠乐， 罐装可乐合理水平。