正宗上海生煎皇 (已結業)

同友人血拼左一個上午之後，又開始肚餓苦苦思量食咩下午茶好既時侯，就諗起之前係上海實習食過既生煎包，暖烘烘，汁多到爆出黎，所以就搵左呢間上海生煎包鋪頭，一解相思之苦 ！呢到主打生煎包，期望都幾大架。由於生煎包唔係預先整熱一大批，所以係要等一等的，但咁樣更好，保證新鮮，皮肉唔會變乾。登登登登~上海生煎包出場賣相都好靚仔，枱面仲貼有如何進食生煎包既指引，包皮帶有點焦香，入面仲係適度既濕潤，而肉汁頗多，真係要小心唔好濺到衫涵料夠入味，整體比例好岩，真係比較出色。一場黎到，又點會只係食生煎包灌湯小籠包賣相就知道皮夠薄，而且唔爛，肉汁&涵料同生煎包一樣，都好重肉香味，真心推介，好有係原產地食既神韻。