茶木‧台式休閒餐廳 (已搬遷) 新店位置

今日公司好忙，做埋d手尾都成两点多d，个肚打晒鼓，喇喇临落楼食嘢先。行过茶木见唔驶排队，就即刻入去喇。入到去侍应俾咗个下午茶套餐餐牌我，呢个时间入座无理由叫主餐牌食正价咁傻，于是我决定叫返个下午茶tea一tea先。下午茶都有吐司，台式小食，主食同甜品选择，我咁肚饿就紧系㨂个主食啦。天气冻冻哋，食返个汤面暖胃先。最后㨂咗个红烧牛肉面$61，配热柚子蜜茶。牛肉份量唔多，得三旧肉，红萝卜就有两大块同一块萝卜，个汤底配埋d 芫荽同葱系几香，面嘅质地都几好咬口，但份量唔算多，最后饮埋杯柚子蜜先够饱。$61都唔算抵，但叫做多杯饮品同坐得舒服。