Food Combo (已結業)

又系早放工既一日，同朋友下午茶时间食晚饭，好抵食！环境舒适，让人感到放松。我地一人一个主食，再点多个小食拼盘。芝士白汁海鲜焗饭（＄52）选用珍珠米，而且海鲜同白汁既份量毫不吝啬，所以食落d饭唔会干~番茄蘑菇大虾扁意粉（＄58）同样足料，唔会食唔饱，入面有三只大虾。啲虾都几爽口弹牙，唔系𠮶啲冇味嘅虾仁。蘑菇都有唔少，大虾同埋蘑菇配上番茄酱非常之夹。小食拼盘（＄58）里面既虾饼配左泰式辣汁，一开始觉得好辣，食食下又ok。鸡粒炸得好香口，唔会太干，几juicy ，上面有少少芥辣酱，正！墨鱼串既酱汁惹味，而且墨鱼有咬口~薯角新鲜整，一上嚟就好香，食落外脆内软。鸡翼上面洒咗d芝麻，食落味道丰富d。三款饮品任拣，我地饮咗鲜姜红枣桂圆杞子茶同冻柠茶。前者健康养生，后者就清凉解渴。