入麵 (已結業)

如果葵广系新界西嘅黄店集中地，咁石门嘅瑞京广场就可算系新界东嘅黄店集中地，今日去到，撞正打风，拿拿林去入面食个下午茶，然后打道回府。叫咗蒙古风沙烧鸡配麻香酱捞面，虽然系下午茶，但份量非常多，拣捞面系因为最怕汤面嘅面条好腍，而呢个捞面呢，面质就唔错啦，酱汁味道偏浓，上面仲有葱花同粟米粒，基本上唔使食𩠌都可以啪哂成碗面。至于烧鸡呢，份量都多，蒙古风沙其实即系避风塘𠮶啲炸蒜粒同辣椒粒，呢度落得唔算多，所以「风沙味」唔强，烧鸡嘅味道主要来自酱汁，有啲似烧汁，整体感觉唔错。至于杯珍珠奶茶就正常水准。