南記冰室

营业中

休息中

老实讲，近年呢，经济不景，如果时间许可，好多时都会下午茶当晚餐，因为真系实惠好多。今次五点几喺葵涌做完嘢，就赶及六点前嚟呢度食个丰富嘅下午茶啦。叫咗个咖哩牛腩饭，虽然系下午茶，份量一啲都冇少到，抵赞。牛腩有筋有腩，炆得入味，薯仔都够腍。咖哩汁偏辣偏咸，虽然唔系我最钟意嘅浓椰汁味道，但都算惹味，𩠌饭一流。另外，最值得一赞嘅系餐厅嘅环境，非常干净企理，完全唔似一般茶记，反而更似间 cafe，坐得好舒服。